කැළණි ගඟ පහත් බිම් ප්රදේශවලට මහ ගංවතුර අනතුරු ඇඟවීමක්
Local • Published on: 2025-11-28 03:21:22
කැළණි ගංගා නිම්නයේ පහත්බිම් ප්රදේශවලට මහ ගංවතුර තත්ත්වයක් ඇතිවිය හැකි බවට අනතුරු ඇඟවීම් නිකුත් කර තිබෙනවා.
මේ අනුව ඉදිරි පැය 48ක කාලය තුළ ඇහැලියගොඩ, නෝර්වුඩ්, යටියන්තොට, ගලිගමුව, රුවන්වැල්ල, බුලත්කොහුපිටිය, දෙහිඕවිට, සීතාවක, දොම්පේ, පාදුක්ක, හෝමාගම, කඩුවෙල, බියගම, කොලොන්නාව, කැලණිය, වත්තල හා කොළඹ ප්රාදේශීය ලේකම් කොට්ඨාසවලට කැළණි ගංගා නිම්නයේ පහත්බිම් ප්රදේශවලට මෙලෙස මහ ගංවතුර තත්ත්වයක් ඇතිවිය හැකි බවට අනතුරු ඇඟවීම් නිකුත් කර ඇති බව වාර්තා වනවා.
වාරිමාර්ග දෙපාර්තමේන්තුව නිවේදනයක් නිකුත් කරමින් සඳහන් කරන්නේ කැලණි ගංගා ද්රෝණියේ ධාරා ප්රදේශවල බොහෝ ස්ථානවලට මේ වනවිට අධික වැසි ඇදහැලෙමින් ඇති බවයි.
මෙම වර්ෂා තත්ත්වය කැළණි ගඟ ඉහළ ද්රෝණියේ පිහිටි ජලාශවලින් පිට කරනු ලබන ජල ප්රමාණය සහ වාරිමාර්ග දෙපාර්තමේන්තුව මඟින් කැළණි ගංගා ද්රෝණිය තුළ නඩත්තු කරනු ලබන ගංගා ජල මාපකවල ජල මට්ටම් විශ්ලේෂණය අනුව මෙම අනතුරු ඇඟවීම් නිකුත් කර තිබෙනවා.
මේ තත්ත්වයෙන් ජීවිත හා දේපළ ආරක්ෂා කරගැනීම වෙනුවෙන් දැඩි විමසිල්ලෙන් කටයුතු කරන ලෙස එම ප්රදේශවල පදිංචි මහජනතාවගෙන් බලධාරීන් ඉල්ලා සිටිනවා.