විපක්ෂ නායක විදෙස් තානාපතිවරුන්ගෙන් ආධාර ඉල්ලයි
Local • Published on: 2025-12-02 01:10:51
විපක්ෂ නායක සජිත් ප්රේමදාස මහතා මෙරට කොරියානු, ජපාන සහ යුරෝපා සංගම් තානාපතිවරුන් හමුවී ආපදා තත්ත්වයෙන් මිදීමට සහාය දෙන ලෙස ඉල්ලා සිටියා.
විපක්ෂ නායකවරයා සහ ජපාන තානාපති අකිඕ ඉසමොතා (Akio Isamota) මහතා අතර සාකච්ඡාවක් ඊයේ (01) පාර්ලිමේන්තුවේ පිහිටි විපක්ෂ නායක කාර්යාලයේ දී පැවැත්වුණා.
මෙහිදී විපක්ෂ නායකවරයා විනාශ වූ මාර්ග පද්ධතිය නවිනකරණය කිරීමටත් දුම්රිය මාර්ග පද්ධතිය අලුත්වැඩියා කිරීමටත් ජපාන රජයේ සුවිශේෂී දැනුමේ සහ තාක්ෂණයේ දායකත්වයෙන් ශ්රමයත් ලබාදෙන ලෙස ජපන් රජයෙන් ඉල්ලා සිටියා.
තවද කොරියානු ජනරජයේ මෙරට තානාපතිනිය ද ඊයේ (01) විපක්ෂ නායකවරයා අතර හමුව සිදුවුණා.
එම හමුවේ දී විපක්ෂ නායකවරයා පැවසුවේ ආපදා තත්ත්වයෙන් මිදී රටක් ලෙස නැගී සිටීමට ආධාර උපකාර ලබාදීමට කටයුතු කරන ලෙසයි.
මේ අතර ශ්රී ලංකාවේ යුරෝපීය සංගමයේ තානාපතිනි කාමන් මොරෙනෝ මහත්මිය හමුවූ විපක්ෂ නායකවරයා ඉල්ලා සිටියේ ආපදා තත්ත්වයෙන් හානිවූ සෞඛ්ය සේවා සහ පසුව උද්ගත විය හැකි වසංගත තත්ත්වයට මුහුණ දීම සඳහා උපරිම දායකත්වය ලබාදෙන ලෙසයි.