කෝටි 5000 පරිපූරකයට මුදල් කාරක සභාවේ අනුමැතිය ලැබෙයි
Local • Published on: 2025-12-10 09:20:43
ආපදාවෙන් විපතට පත් වුවන්ට සහන සැලසීම සහ විනාශ වූ භෞතික සම්පත් ප්රතිසංස්කරණයට රුපියල් කෝටි 5000ක අතිරේක මුදලක් ලබා ගැනීම සඳහා ඉදිරිපත් කිරීමට නියමිත පරිපූරක ඇස්තමේන්තු යෝජනාවට අනුමැතිය හිමිව තිබෙනවා.
මෙම අනුමැතිය හිමිව ඇත්තේ රජයේ මුදල් පිළිබඳ කාරක සභාවේදීයි.
ඒ අනුව මෙම පරිපූරක ඇස්තමේන්තු යෝජනාව ඉදිරි දිනවල පාර්ලිමේන්තුවට ඉදිරිපත් කිරීමට නියමිතයි.
2025 ජනවාරි පළමු වනදා දිනෙන් ආරම්භ වන හා 2025 දෙසැම්බර් 31 දිනයෙන් අවසන් වන මුදල් වර්ෂයේ ප්රයෝජනය සඳහා ශ්රී ලංකා ප්රජාතන්ත්රික සමාජවාදී ජනරජයේ ඒකාබද්ධ අරමුදලින් හෝ රජයට අයිති ඕනෑම අරමුදලකින් හෝ මුදලකින් හෝ රජය ලබා ගන්නා ඕනෑම ණය මුදලකින් රුපියල් කෝටි 5000කට නොඉක්මන අතිරේක මුදලක් ගෙවිය යුතු බව මෙම යෝජනාවේ දැක්වෙනවා.