කොළඹ මහ නගර සභාවේ අක්රමිකතා ගැන හොයන්න ජනාධිපති කොමිෂන් සභාවක්
Local • Published on: 2025-12-31 03:50:53
කොළඹ මහ නගර සභාවේ සිදුව ඇතැයි සැලකෙන දූෂණ අක්රමිකතා විමර්ශනය සහ පරික්ෂා කර වාර්තා කිරීම පිණිස ජනාධිපති කොමිෂන් සභාවක් පත්කර තිබෙනවා.
එම කමිටුවේ සාමාජිකයින් ලෙස හිටපු මහාධිකරණ විනිසුරු පියසේන රණසිංහ, ගණකාධිකාරී ඊ. ආර්. එම්. එස්. එච්. ඒකනායක. හිටපු ජ්යෙෂ්ඨ පොලිස් අධිකාරී ඩී.එස්. වික්රමසිංහ යන මහත්වරුන් පත්කර ඇති බව සඳහන්.
ජනාධිපති ලේකම්වරයාගේ අත්සනින් යුතුව නිකුත් කර ඇති ගැසට් නිවේදනයට අනුව 2010 සිට 2025 දක්වා කාලය තුළ කොළඹ මහ නගර සභාව තුළ සිදුව ඇති සැලකෙන දූෂණ, වංචා, සාපරාධී ලෙස විශ්වාසය කඩ කිරීම්, දේපල සාපරාධි ලෙස පරිහරණය ආදිය විමර්ශනය කිරීම මෙම කොමිසමට පැවරෙන වගකීම් වනවා.
තවද රාජ්ය සම්පත් හා වරප්රසාද අනිසි ලෙස භාවිත කිරීම, නිත්යානුකූල නොවන බඳවා ගැනීම් හා පත්කිරීම්, නීතිවිරෝධී සැලසුම්, නිශ්චල හෝ චංචල දේපල කුලියට හෝ බද්දට දීමේදී සිදුකර ඇති අක්රමිකතා සොයා බලා වාර්තා කිරීම ආදී කාර්යයන් මෙම කොමිෂන් සභාවට පැවරෙන වගකීම් අතරට අයත් වනු ඇති.